Agarwood Tree | Price | Incense

അഗർവുഡ് കൃഷി സമ്പ്രദായത്തെക്കുറിച്ച് അഥവാ അഗർവുഡ് ഫാമിങ്ങിനെക്കുറിച്ചുള്ളതാണ് ഇനി പറയുന്ന വിവരങ്ങള്‍.

ദൈവത്തിന്‍റെ വൃക്ഷം എന്നാണ് അഗർവുഡ് അറിയപ്പെടുന്നത്. അഗർവുഡിന്‍റെ ശാസ്ത്ര നാമം അക്വിലേറിയ എന്നും അക്വിലേറിയയുടെ ശാസ്ത്ര നാമം റെസിനസ് ഹാര്‍ട്ട്‌വുഡ്‌ എന്നുമാണ്. തെക്കുകിഴക്കൻ ഏഷ്യയാണ് ഇതിന്റെ ജന്മദേശം. അക്വിലേറിയക്ക് ഒരു പ്രത്യേക തരം പൂപ്പല്‍ ബാധിക്കുമ്പോഴാണ് അത് അഗർവുഡ് ആയി മാറുന്നത്. ഒരു വനവൃക്ഷമായ ഇത് ഏകദേശം 40 മീറ്റർ ഉയരത്തിലും 80 സെന്റീമീറ്റർ വീതിയിലും വളരും. ഈ കാട്ടുമരങ്ങൾക്ക് ചില പൂപ്പൽ ബാധ അഥവാ ഫിയലോഫോറ പാരാസിറ്റിക്ക എന്നറിയപ്പെടുന്ന പരാന്നഭോജികളായ ഫംഗസ് ബാധ ഏല്‍ക്കുകയും ഇത്തരത്തില്‍ ഫംഗസ് ബാധ ഏല്‍ക്കാത്ത ഭാഗം ഈ ആക്രമണത്തോട് പ്രതികരിക്കുമ്പോള്‍ ഹാർട്ട് വുഡിൽ അഗർവുഡ് ഉല്‍പാദിപ്പിക്കാൻ തുടങ്ങുകയും ചെയ്യും. ഫംഗസ് ബാധ ഏല്‍ക്കും മുമ്പ് ഇതിന് സുഗന്ധമുണ്ടാകില്ല. ഈ ഫംഗസ് ബാധ വ്യാപിക്കുമ്പോൾ, അത് കാതല്‍ഭാഗത്ത് ഇരുണ്ട റെസിൻ രൂപപ്പെടുത്തും. വിലപ്പെട്ടതാണ് ഈ ഇരുണ്ട റെസിന്‍. ഇത് അസാധാരണമായ പരിമളം നല്‍കും. അവയാണ് സുഗന്ധദ്രവ്യങ്ങളിലും പെര്‍ഫ്യൂമുകളിലും ഉപയോഗിക്കുന്നത്. ഈ മരത്തിന്‍റെ ഇനം, ഭൂമിശാസ്ത്രപരമായ സ്ഥാനം, തായ്ത്തടി, ശാഖ, വേരിന്‍റെ ഉത്ഭവം, ഫംഗസ്ബാധയ്ക്ക് ശേഷമുള്ള കാലയളവ് , വിളവെടുപ്പിന്റെയും സംസ്കരണത്തിന്റെയും രീതികൾ എന്നിവയെ സ്വാധീനിച്ചിരിക്കുന്നു ഈ ഈ സുഗന്ധത്തിന്‍റെ ഉല്‍കൃഷ്ടത. വനത്തില്‍ വളരുന്ന മൂപ്പെത്തിയ ഏകദേശം 10% അക്വിലേറിയ മരങ്ങള്‍ക്ക് പ്രകൃതിദത്തമായ റെസിൻ ഉല്‍പാദിപ്പിക്കാൻ കഴിയും.

അഗർവുഡിന്‍റെ ഗുണങ്ങളും പൊതുവായ നാമങ്ങളും:

അക്വിലേറിയയില്‍ ഇരുണ്ട അഗർവുഡ് ദൃശ്യമാകുമ്പോള്‍ വനംകൊള്ളക്കാര്‍ അതിന്റെ പുറംതൊലി ചുരണ്ടുകയും വൃക്ഷത്തിന് പൂപ്പൽ ബാധ ഏല്‍പിക്കുകയും ചെയ്യും. അണ്ടർവുഡ് വിവിധ രാജ്യങ്ങളിൽ വ്യത്യസ്ത പേരുകളിലാണ് അറിയപ്പെടുനത്. ഹിന്ദിയിൽ അഗർ; സംസ്കൃതം, കന്നഡ, തെലുങ്ക് എന്നീ ഭാഷകളില്‍ അഗുരു; തമിഴിൽ അകിൽ, അസാമീസിൽ സാസി എന്നിങ്ങനെ. ഈ മരങ്ങളുടെ വേരുകളിലും തായ്ത്തടിയിലും കീടങ്ങള്‍ തുരക്കുമ്പോഴാണ് അഗർവുഡ് രൂപപ്പെടുന്നത്. അപ്പോള്‍ ഈ മരം സ്വയം സുരക്ഷയ്ക്കായി ഒരു പ്രതിരോധ വസ്തു ഉല്‍പാദിപ്പിക്കും. ഇത്തരത്തില്‍ ബാധയേല്‍ക്കാത്ത മരത്തിന് ഇളം നിറമായിരിക്കും. ഈ റെസിന്റെ നിറം മാറുമ്പോള്‍ ബാധിച്ച തടിയുടെ പിണ്ഡവും സാന്ദ്രതയും വർധിക്കും. അഗറിൽ നിന്ന് തായ്ത്തടി ഉപയോഗിച്ച് ഊദ് തൈലം വാറ്റിയെടുക്കും. ഉല്‍പാദിപ്പിക്കുന്ന ഈ തൈലം മത-ആത്മീയ ചടങ്ങുകളില്‍ സുഗന്ധദ്രവ്യമായി ഉപയോഗിക്കും. വാറ്റിയെടുക്കലിന്റെ ഓരോ ഘട്ടത്തിലും അഗർവുഡ് വ്യത്യസ്ത ഗ്രേഡിലും വീര്യത്തിലും ഉള്ള തൈലം ഉല്‍പാദിപ്പിക്കും. അതനുസരിച്ച് അവയുടെ വിലയും മാറും. നേർപ്പിക്കാത്ത തൈലമാണ് ചർമ്മത്തിൽ ഉപയോഗിക്കാന്‍ സുരക്ഷിതം. ഉത്തേജകം, ടോണിക്, ആൻറി-ഇൻഫ്ലമേറ്ററി, ദഹനസഹായി, വേദനസംഹാരി, ആന്‍റി-ആര്‍ത്രൈറ്റിക്, ആൻറി പ്യൂരിറ്റിക് എന്നീ നിലകളില്‍ ഇത് ശരീരത്തെ സഹായിക്കും. വിശപ്പ് വര്‍ധിപ്പിക്കും, ശാന്തമായ ഉറക്കം പ്രദാനം ചെയ്യും. ഇത് മൂന്നാം കണ്ണും ശരീരത്തിലെ സപ്ത ചക്രങ്ങളും തുറക്കാൻ സഹായിക്കും. ആന്‍റി കാൻസർ തെറാപ്പിയിൽ ഉപയോഗിക്കുന്ന ഇത് പോസിറ്റീവ് എനർജിയുടെ വലയം സൃഷ്ടിക്കും.

അഗർവുഡ് സസ്യത്തിന്‍റെ സവിശേഷതകൾ:

ചെറിയ ശില്‍പങ്ങള്‍ കൊത്തിയെടുക്കാനും സുഗന്ധദ്രവ്യവും പെര്‍ഫ്യൂമും നിര്‍മ്മിക്കാനുമാണ് സുഗന്ധപൂരിതമായ ഇരുണ്ട റെസിനസ് ഉള്‍ച്ചേര്‍ന്ന അഗർവുഡ്, അലോവുഡ്‌ അഥവാ ഘരുവുഡ് ഉപയോഗിക്കുന്നത്.

ഈ വന സമ്പത്ത് ക്ഷയിച്ചു വരുന്നതിനാല്‍ അഗര്‍വുഡിന് വില കൂടിക്കൊണ്ടിരിക്കുകയാണ്.

അഗർവുഡിന്റെ പരിമളം മനസ്സിന് ഉന്മേഷം നല്‍കുന്നതും ശ്രേഷ്ഠവുമാണ്. കാരണം ഇത്തരത്തില്‍ പ്രകൃതിദത്തമായ ഒരു വസ്തു അപൂര്‍വമോ ഇല്ലെന്നോ തന്നെ പറയാം.

അഗർവുഡിന്‍റെ തരങ്ങൾ:

അക്വിലേറിയയുടെ ഭൂരിഭാഗം ഇനങ്ങളും പ്രകൃതിദത്തമായോ കൃത്രിമമായോ പരുവപ്പെടുമ്പോള്‍ അഗർവുഡായി മാറും. ലോകമെമ്പാടുമുള്ള വിവിധ സ്ഥലങ്ങളിൽ ഈ വ്യത്യസ്തമായ ഇനങ്ങൾ ഉണ്ട്. ഓരോന്നിലും ഉല്‍പാദിപ്പിക്കപ്പെടുന്ന അഗർവുഡ് തൈലത്തിന്‍റെ ഗുണങ്ങളും സവിശേഷതകളും വ്യത്യസ്തവുമായിരിക്കും.

അക്വിലേറിയയുടെ 21 ഇനങ്ങള്‍ ഇതുവരെ കണ്ടെത്തിയിട്ടുണ്ട്. ഇനി പറയുന്നവയാണ് അവ:

അക്വിലേറിയ എപിക്കുലേറ്റ (ബോർണിയോ)

അക്വിലേറിയ ബെയിലോണീ (കംബോഡിയ, ഇൻഡോചൈന, തായ്‌ലൻഡ്)

അക്വിലേറിയ ബനായെന്‍സിസ് (വിയറ്റ്നാം)

അക്വിലേറിയ ബെക്കറിയാന (തെക്ക് കിഴക്കൻ ഏഷ്യ)

അക്വിലേറിയ ബ്രാച്യന്ത (തെക്കുകിഴക്കൻ ഏഷ്യ – ഫിലിപ്പീൻസ്)

അക്വിലേറിയ സിട്രിനികാർപ (തെക്കുകിഴക്കൻ ഏഷ്യ – ഫിലിപ്പീൻസ് (മിന്ദനാവോ))

അക്വിലേറിയ ക്രാസ്‌ന (തായ്‌ലൻഡ്, കംബോഡിയ, ഇന്തോചൈന, വിയറ്റ്‌നാം, ലാവോ പിഡിആർ, ഭൂട്ടാൻ)

അക്വിലേറിയ കുമിഞ്ചിയാന (ഇന്തോനേഷ്യ)

അക്വിലേറിയ ഡെസെംകോസ്റ്റാറ്റ (ഫിലിപ്പീൻസ്)

അക്വിലേറിയ ഫൈലേറിയൽ (ഇന്തോനേഷ്യ)

അക്വിലേറിയ ഹിർത്ത (മലേഷ്യ, ഇന്തോനേഷ്യ)

അക്വിലേറിയ ഖസിയാന (ഇന്ത്യ)

അക്വിലേറിയ മാലകെൻസിസ് (ലാവോ പിഡിആർ, മലേഷ്യ, തായ്‌ലൻഡ്, ഇന്തോനേഷ്യ, ഭൂട്ടാൻ, ബർമ്മ)

അക്വിലേറിയ മൈക്രോകാർപ (ഇന്തോനേഷ്യ, ബോർണിയോ)

അക്വിലേറിയ പാർവിഫോളിയ (ഫിലിപ്പീൻസ് (ലുസോൺ))

അക്വിലേറിയ റോസ്‌ട്രേറ്റ് (മലേഷ്യ)

അക്വിലേറിയ റൂഗോസ് (പാപ്പുവ ന്യൂ ഗിനിയ)

അക്വിലേറിയ സിനെൻസിസ് (ചൈന)

അക്വിലേറിയ സബ്ഇന്റഗ്ര (തായ്‌ലൻഡ്)

അക്വിലേറിയ അർഡനെറ്റെൻസിസ് (ഫിലിപ്പീൻസ്)

അക്വിലേറിയ യുനാനെൻസിസ് (ചൈന).

അഗർവുഡ് കൃഷിക്ക് അനുയോജ്യമായ മണ്ണും കാലാവസ്ഥയും:

സമുദ്രനിരപ്പിൽ നിന്ന് 750 മീറ്ററിലധികം ഉയരമുള്ള മലമ്പ്രദേശങ്ങളിലാണ് അഗർവുഡ് പൊതുവില്‍ നന്നായി വളരുന്നത്. യെല്ലോ, റെഡ് പോഡ്സോളിക്, ക്ലേ സാന്‍ഡി മണ്ണുകളിലാണ് ഇവ വളരുന്നത്. 20⁰ C മുതൽ 33⁰ C വരെയാണ് ശരാശരി താപനില. 2,000 മുതൽ 4,000 മില്ലിമീറ്റർ വരെ മഴ ലഭിക്കുന്ന മേഖലയില്‍ ഇത് വളർത്താം. മണ്ണിന്റെ സോളം തിക്നെസ് 50 സെന്റിമീറ്ററിൽ കൂടുതലായിരിക്കണം. വിവിധ വനങ്ങളിലും ആവാസവ്യവസ്ഥയിലും ഈ മരങ്ങൾ നന്നായി വളർത്താം. മണ്ണിന്റെ സവിശേഷതകളും ഫലഭൂയിഷ്ഠതയും കൊണ്ട് പാരിസ്ഥിതിക ചുറ്റുപാടുകള്‍ ബാധിക്കപ്പെടും. ഈ തൈകൾ 20-33 ⁰ C താപനിലയിലും 77-85% വരെയുള്ള ആപേക്ഷിക ആർദ്രതയിലും 56-75% വരെയുള്ള പ്രകാശ തീവ്രതയിലും വളരും. എന്നാല്‍, സമുദ്രനിരപ്പിൽ നിന്ന് 200 മീറ്റർ ഉയരത്തിൽ സ്ഥിതിഗതികളില്‍ നേരിയ വ്യത്യാസമുണ്ടാകും. അതിനാല്‍ തന്നെ, അഗർവുഡ് ഉൽപാദനത്തിന് അനുയോജ്യമായ പാരിസ്ഥിതിക ഘടകങ്ങൾ മനസ്സിലാക്കാന്‍ ഇനിയും കൂടുതൽ പഠനം ആവശ്യമാണ്.

വായിക്കുക: സ്പിരുലിന ഫാമിംഗ് പ്രോജക്ട് റിപ്പോർട്ട്.

അഗർവുഡ് പ്ലാന്‍റേഷന്‍:

കൃത്രിമ കുത്തിവയ്പ് സങ്കേതങ്ങൾ ഉപയോഗിച്ച് അഗർവുഡ് മരങ്ങള്‍ വളര്‍ത്താം. ഈ സങ്കേതങ്ങൾ ഉപയോഗിച്ച്, ദശാബ്ദങ്ങൾ കൊണ്ട് നേടേണ്ട (പ്രകൃതിദത്ത മാർഗങ്ങളിലൂടെ) അഗര്‍വുഡ് ചുരുങ്ങിയ കാലയളവിനുള്ളിൽ ലഭ്യമാക്കാം. നല്ല ഫലം ലഭിക്കാന്‍, ഗുണനിലവാരമുള്ള തൈകൾ തെരഞ്ഞെടുക്കണം.

അക്വിലേറിയ തൈകൾ:

അഗർവുഡിന്റെ വര്‍ധിച്ചു വരുന്ന ആവശ്യം നിറവേറ്റാന്‍ കൂടുതൽ തൈകള്‍ നടേണ്ടത് വളരെ പ്രധാനമാണ്. നിലവിൽ ആവശ്യമായതിന്‍റെ 20 ശതമാനം അഗർവുഡാണ് ഉല്‍പാദിപ്പിക്കപ്പെടുന്നത്. സ്വകാര്യ നഴ്സറികളിലൂടെ ഈ കൃഷി വിജയകരമായി നടത്താന്‍ കഴിയും. വിത്ത് അടങ്ങിയ അക്വിലേറിയ തിരിച്ചറിയുന്നതാണ് കൃഷിയുടെ ആദ്യപടി. വിത്ത് പാകമാകുന്ന ഘട്ടത്തിലാണ് പ്രജനന പ്രക്രിയ നടക്കുന്നത്. വിത്തുകളുടെ ജീവനസാമര്‍ത്ഥ്യം ഹ്രസ്വകാലമായതിനാലും അന്തരീക്ഷവുമായി സമ്പർക്കത്തിലാകുമ്പോള്‍ അവയുടെ ജീവനസാമര്‍ത്ഥ്യം നഷ്ടപ്പെടുന്നതിനാലും പൊട്ടിയ ഉടൻ തന്നെ പ്രജനനം നടത്തണം. കൃത്യമായ ആസൂത്രണം, പരിപാലന വൈദഗ്ധ്യം, സംഭരണം എന്നിവയിലൂടെ ധാരാളം അക്വിലേറിയ തൈകൾ ഉല്‍പാദിപ്പിക്കാൻ കഴിയും.

കൃഷിയുടെ വ്യാപ്തി:

വ്യത്യസ്ത മണ്ണിലും വ്യത്യസ്ത കാലാവസ്ഥകളിലും നാമമാത്രമായ ഭൂമിയിലും അക്വിലേറിയ വളർത്താം. ഇത് പാടത്തോ വീട്ടിലെ തോട്ടത്തിലോ മറ്റ് മരങ്ങൾക്കൊപ്പം ഇടവിളയായി കൃഷി ചെയ്യാം എന്നതാണ് ഏറ്റവും രസകരവും പ്രധാനപ്പെട്ടതുമായ വസ്തുത.

അഗർവുഡ് കൃഷിയിലെ കൃത്രിമ കുത്തിവയ്പ്:

ഇതിൽ രാസവസ്തുക്കളല്ല, ഫംഗസ് മാത്രമാണ് കുത്തിവയ്ക്കുന്നത്. ഈ രീതിയിൽ, അക്വിലേറിയയുടെ സൈലമിൽ ഫംഗസുകളെ ഉള്ളിലേക്ക് കടത്തും. ചുരുങ്ങിയ സമയത്തിനുള്ളിൽ (2-3 മണിക്കൂർ), മരത്തിന്റെ എല്ലാ ഭാഗങ്ങളിലേക്കും ഈ ഇൻഡ്യൂസർ എത്തുകയും ഇത് മരത്തില്‍ ക്ഷതമേല്‍പിക്കുന്നതിലേക്ക് നയിക്കുകയും ചെയ്യും. കുറച്ച് മാസങ്ങൾക്ക് ശേഷം, മരത്തിന്റെ വേരുകൾ, തായ്ത്തടി, ശാഖകൾ എന്നിങ്ങനെയുള്ള ഭാഗങ്ങളിലെ ഈ ക്ഷതങ്ങള്‍ക്കു ചുറ്റും റെസിനസ് തടി രൂപം കൊള്ളും. അല്‍പ ദിവസത്തെ പ്രാഥമിക പരിചരണത്തിനു ശേഷം, എല്ലാ ശാഖകളുടെയും ക്രോസ് സെക്ഷനുകൾ നമുക്ക് നിരീക്ഷിക്കാൻ കഴിയും. നട്ടിരിക്കുന്ന ഈ മരത്തില്‍ 4 മാസത്തിനു ശേഷം റെസിനസ് തടി കാണാന്‍ കഴിയും. ഈ തടി തീയിൽ വച്ചാല്‍ മൃദുവായ സുഗന്ധം പരക്കും. വിളവെടുപ്പിന്‍റെ സമയത്ത്, വേരിന്‍റെ ഭാഗം കുഴിച്ച് അക്വിലേറിയ മരത്തിൽ നിന്ന് റെസിൻ വേർതിരിച്ചെടുക്കാം.

അഗർവുഡ് കൃഷിയിൽ നിലം ഒരുക്കലും നടലും:

പാരിസ്ഥിതിക ചുറ്റുപാടുകള്‍ വിലയിരുത്തിക്കൊണ്ട്, അതിജീവിക്കുകയും വളരുകയും ചെയ്യുന്ന തൈ ഇനങ്ങള്‍ തെരഞ്ഞെടുക്കേണ്ടത് വളരെ പ്രധാനമാണ്. മണ്ണും കാലാവസ്ഥയും കൊണ്ടല്ല, വെള്ളം കെട്ടിനില്‍ക്കുന്നതിനാലാണ് മിക്ക തൈകളും 3-4 വർഷം കൊണ്ട് അഴുകിപ്പോകുന്നത്. ഇത്തരത്തിലുള്ള നാശം കുറയ്ക്കാൻ ചരിഞ്ഞ പ്രതലങ്ങളിൽ പ്ലാന്റേഷൻ നടത്താം. 60-90 സെന്റീമീറ്റർ ഉയരം എത്തിയ ശേഷം ഈ തൈകൾ പറിച്ചുനടാം. പഴയ തൈകളുടെ വേരുകള്‍ പോളി ബാഗില്‍ ചുറ്റിപ്പിണഞ്ഞിരിക്കും എന്നതിനാല്‍ അവ പറിച്ചു നടാന്‍ ഉചിതമായവ അല്ല. ചെറിയ പോളി ബാഗുകളില്‍ വിത്തുകള്‍ പാകുന്നതും 120 സെന്റീമീറ്ററില്‍ കൂടുതല്‍ ഉയരമുള്ള പഴയ തൈകള്‍ പറിച്ചു നടുന്നതും ഒഴിവാക്കുന്നതാണ് നല്ലത്.

ഇനിപ്പറയുന്ന രീതിയില്‍ 99% അതിജീവിക്കും:

40x40x40 എന്ന അളവില്‍ കുഴി എടുക്കണം. മഴ, സൂര്യപ്രകാശം എന്നിവ ഏല്‍ക്കുന്നതും ഓക്സീകൃത മണ്ണും കുഴികളില്‍ വേരുകളുടെ വളർച്ചയെ സഹായിക്കും. മണ്ണ് കഠിനമാണെങ്കിൽ, അത് അയവുള്ളതാക്കാൻ കോക്കോ പീറ്റ് ചേർക്കാം. കോക്കോ പീറ്റിന് മികച്ച ഓക്സീകൃത ഗുണങ്ങളുണ്ട്. ടിഎസ്പി (ട്രിപ്പിൾ സൂപ്പർ ഫോസ്ഫേറ്റ്), ഡിഎപി (ഡൈഅമോണിയം ഫോസ്ഫേറ്റ്) എന്നിവയിൽ നിന്നും ഫോസ്ഫറസ് ലഭിക്കും. ഇവയുടെ അളവ് അമിതമായാല്‍ തൈകള്‍ നശിച്ചു പോകാം. ഇവ നന്നായി മണ്ണിൽ ലയിക്കുകയും പെട്ടെന്ന് അലിയുകയും ചെടികള്‍ക്ക് ആവശ്യമായ ഫോസ്ഫേറ്റ് നല്‍കുകയും ചെയ്യും. ജൈവവളമായ ചാണകം 15%-ഉം 20 ഗ്രാം ഫുനാഡനും ചേര്‍ത്ത് ഉപയോഗിച്ചാല്‍ കീടങ്ങളുടെ ആക്രമണം കുറയ്ക്കാം. ഉചിതമായ നിരപ്പില്‍ കുഴികള്‍ മൂടണം. നടീല്‍ പ്രതലത്തിൽ നിന്ന് 2 ഇഞ്ച് ഉയരത്തിലായിരിക്കണം ചെടികള്‍. പോളി ബാഗ് നീക്കം ചെയ്യുകയും തൈകൾ കുഴിയിൽ നിലനിര്‍ത്തുകയും ചെയ്യണം. ജലവൃഷ്ടി മെച്ചപ്പെടുത്താന്‍ സീഡിലിങ് ചേംബര്‍ കവര്‍ ചെയ്യാം.

അഗർവുഡ് കൃഷിക്ക് ആവശ്യമായ വളവും രാസവളവും:

മണ്ണ് അയവുള്ളതാക്കാൻ മണ്ണിൽ കോക്കോ പീറ്റ് ചേർക്കണം. ഇതിന് കൂടുതൽ ഓക്സീകൃത ഗുണങ്ങളുണ്ട്. ട്രിപ്പിൾ സൂപ്പർഫോസ്ഫേറ്റ് (ടിഎസ്പി), ഡൈ അമോണിയം ഫോസ്ഫേറ്റ് (ഡിഎപി) എന്നിവ മണ്ണിന് ഫോസ്ഫറസ് നല്‍കും. ഇവ മണ്ണിൽ ലയിക്കുകയും പെട്ടെന്ന് അലിയുകയും ചെടികള്‍ക്ക് ആവശ്യമായ ഫോസ്ഫേറ്റ് നല്‍കുകയും ചെയ്യും. ജൈവവളമായ ചാണകം 15%-ഉം 20 ഗ്രാം ഫുനാഡനും ചേര്‍ത്ത് ഉപയോഗിക്കുന്നത് കീടങ്ങളുടെ ആക്രമണം പ്രതിരോധിക്കും.

അഗർവുഡ് കൃഷിയിലെ വിളവെടുപ്പ് സാങ്കേതങ്ങള്‍:

കൃത്യമായ തെരഞ്ഞെടുക്കൽ, ഉപയോഗപ്രദമായ രീതിയിലുള്ള മുറിക്കല്‍, ശേഖരിക്കേണ്ട വ്യത്യസ്ത തരങ്ങളുടെ (പ്രാദേശികവും അല്ലാത്തതുമായ) സൂക്ഷ്മമായ വിവരങ്ങള്‍, വ്യാപാരികളുമായുള്ള ബന്ധം എന്നിവയാണ് അഗര്‍വുഡ് വിളവെടുപ്പിൽ ഉള്‍പ്പെടുന്ന കാര്യങ്ങള്‍. താൽക്കാലികമോ സ്ഥിരമോ ആയ ഒരു തൊഴിലാണ് അഗർവുഡ് വിളവെടുപ്പ്. ശേഖരിക്കുന്നവര്‍ക്കാകട്ടെ ഒരു വരുമാനമാര്‍ഗമാണ് അഗർവുഡ് കൃഷി. ഒരു ക്രെഡിറ്റ് സംവിധാനത്തിലൂടെ ഇടനിലക്കാരുമായി ഇവര്‍ ബന്ധപ്പെട്ടിരിക്കും. അവർക്കാകട്ടെ ഇത്തരത്തില്‍ അഗര്‍വുഡ് ശേഖരിക്കുന്ന ശരാശരി 50-100 പേരുമായി ബന്ധമുണ്ടായിരിക്കും. അവർ സ്വതന്ത്രമായി ഈ ജോലി ചെയ്യുന്നവരാകാം. അല്ലെങ്കിൽ അവർ ഒരു വ്യാപാരിയെ ആശ്രയിച്ചായിരിക്കാം ഇത് ചെയ്യുന്നത്. അഗർവുഡ് പ്രാദേശികമായി ഔഷധ ആവശ്യങ്ങൾക്ക് ഉപയോഗിക്കുന്നുണ്ട്. എന്നാൽ ഈ പഠന കാലയളവില്‍ സമാഹരിച്ച വിവരങ്ങളുടെ അടിസ്ഥാനത്തിൽ, വിളവെടുത്ത അഗർവുഡിന്റെ ഭൂരിഭാഗവും കയറ്റുമതി ചെയ്യുന്നതായാണ് കാണപ്പെട്ടത്.

അഗർവുഡിന്റെ വിളവും ആദായവും:

70 കിഗ്രാം തടിയില്‍ നിന്ന് ലഭിക്കുന്ന എണ്ണയുടെ മൊത്തം അളവ് 20 മില്ലിയിൽ കവിയില്ല. അക്വിലേറിയയുടെ ഏകദേശം 20 ഇനങ്ങളില്‍ നിന്ന് അഗർവുഡ് ഉല്‍പാദിപ്പിക്കുന്നുണ്ട്. ഒരു മരത്തിൽ നിന്ന് ലഭിക്കുന്ന ശരാശരി തടി ഏകദേശം 4 കിലോയാണ്. 50,000.00 മുതൽ 2,00,000 ലക്ഷം വരെയാണ് ഇപ്പോഴത്തെ വില. ഒരു അഗർവുഡ് മരത്തിൽ നിന്നുള്ള ആദായം ഏകദേശം 1,00,000 ആണ്.